Magsuon gipangluba sa Calinan

PABILING gipangtambalan sa mga doktor sud sa duha ka tambalanan sa dakbayan sa Davao ang magsuon, usa kanila menor de edad human gipangluba.

Ang insidente nahitabo alas 5:00 sa hapon niadtong Biyernes sa Roman Diaz Extension, Calinan.

Nailhan ang mga biktima nga sila Robert Ignacion Barba, 19, ug ang iyang manghod nga si alyas Marco, 16, pulos out-of-school youth ug residente sa Purok 27, Datu Abing Street, Barangay Calinan Proper.

Sa inisyal nga imbestigasyon ni Police Officer 3 Winefred Zafra sa Homicide and Arson Section sa Calinan Police Station, nasayran nga kauban sa duha ka biktima ang ilang mga higala nga namaktas padung sa ilang balay gikan sa Buhawi River.

Pag-abot sa dapit, nakasugat nila si alyas Aki, kinsa nakaaway ni Robert, ug wa nakatan-aw ang igsuon, milaban kini sa maguwang hinungdan nga nagka-rambol sila.

Gilayong mibunlot og kutsilyo ang suspek ug gipangduslak ang magsuon.

Si Robert daling gidala sa Southern Philippines Medical Center (SPMC) samtang ang manghod niini gidala sa duol nga ospital sa Calinan pinaagi sa Central 911 ambulance.

Ang kapulisan naghimo na og imbestigasyon sa maong hitabo. (Jeepy P. Compio)

Related posts