Dalaga gigulgol ang liog

PADAYONG gi-obserbahan sa mga doktor sa Southern Philippines Medical Center (SPMC) ang kahimtang sa usa ka 23-anyos nga dalaga human gigulgol ang liog, alas 10:30 sa gabii, Huwebes didto sa Barangay Poblacion, Hagonoy, Davao del Sur.

Ang biktima mao si Marie Stephany Dolar, 23, dalaga, nagpuyo sa nasampit nga dapit.

Base sa logbook sa Trauma Complex sa SPMC nakatala ang detalye sa pagdala sa biktima sakay sa Hagonoy ambulance.

Ang iyaan sa biktima nag-asoy nga natulog ang biktima kinsa kalit lamang gisaka sa wa pa mailhing tawo ug giayo'g gulgol ang iyang liog.

Dihang namatikdan sa lalaki nga nakamatngon ang kaubanan sa biktima sud sa ilang balay, dali kining misibat padung sa wa matino nga direksiyon.

Daling gidala ang biktima sa lokal nga tambalanan apan gibalhin dayon siya sa SPMC sanglit lawom ang samad nga nahiagoman niini.

Gisulayan sa Sun.Star Superbalita Davao pagkontak ang numero sa bag-ong hepe sa Hagonoy Police Station kagahapon apan wa kini makontak. (Jeepy P. Compio/Uban ni Dodong Erin Lumosbog, dxDC RMN Davao)

Related posts